‘ദ കേരളാസ്റ്റോറി 2 ഗോസ് ബിയോണ്ട്’ എന്ന സിനിമ റിലീസ് ദിവസം തന്നെ കണ്ടു

മതാവഹേളനം ഇല്ല !

ഇസ്ലാം മതത്തെ അവഹേളിക്കുന്ന ഒരു രംഗം പോലും സിനിമയിൽ ഇല്ല. എന്നു മാത്രമല്ല രാഷ്ട്രത്തിന് സദ്സംഭാവനകൾ ചെയ്ത നല്ല മുസ്ലീങ്ങളെ സ്മരിക്കുന്നുമുണ്ട്. എന്നാൽ ലവ് ട്രാപ്പ് ജിഹാദ് പോലുള്ള മാർഗ്ഗങ്ങളിലൂടെ പെൺകുട്ടികളെ വശത്താക്കി മതം വളർത്തുന്ന, തീവ്രവാദ-ഭീകരവാദ റിക്രൂട്ട്മെൻ്റ് നടത്തുന്ന “ചില വിഭാഗങ്ങളെ” തുറന്നു കാട്ടുന്നുമുണ്ട്. അതിന് ആർക്കാണ് അസ്വസ്ഥതയുണ്ടാകേണ്ടത്?!

സമൂഹത്തിൽ നന്മ ചെയ്തും തങ്ങളുടെ വിശ്വാസത്തിലും അനുഷ്ഠാനങ്ങളിൽ ഒതുങ്ങിയും കഴിയുന്ന നല്ലവരായ മുസ്ലീങ്ങൾ ഇത് കാണുകയും ഭീകര ശക്തികളെ ചെറുക്കുകയുമാണ് വേണ്ടത്. യഥാർത്ഥ മതേതരവാദികളും ചെയ്യേണ്ടത് ഇതാണ്. അതിന് പകരം “ഇതൊന്നും നടക്കുന്നില്ല” എന്ന് പറഞ്ഞ് കണ്ണടച്ച് ഇരുട്ടാക്കുക, ഇരകളെ കുറ്റപ്പെടുത്തി വേട്ടക്കാരെ ന്യായീകരിക്കുക, “എല്ലാം സ്വാഭാവികം, ആസൂത്രിത സ്വഭാവം ഇല്ല” എന്നെല്ലാം വാദിക്കുക”, “ഇസ്ലാമോഫോബിയ” എന്ന ഇരവാദം ഉയർത്തുക, ഇത്‌ തുറന്നുകാട്ടുന്നവരെ കുറ്റപ്പെടുത്തുകയും ചാപ്പ ചാർത്തി ഒറ്റപ്പെടുത്തുകയും ചെയ്യുക – ഇത്തരം പ്രവണതകളാണ് നാം പലപ്പോഴും കാണുന്നത്.

മാധ്യമങ്ങളോടും രാഷ്ട്രീയക്കാരോടും പൊതു സമൂഹത്തോടും പറയാനുള്ളത്!