മതം മാറ്റാൻ സ്വാതന്ത്ര്യം വേണമെന്ന് പറയുന്നവരോട്!!
AVS
മതം മാറ്റാൻ സ്വാതന്ത്ര്യം വേണമെന്ന് പറയുന്നവരോട്!!
ഭരണഘടന കഴിഞ്ഞാൽ പിന്നീട് ഉയർത്തുന്നത് ബൈബിൾ ആണ് ! എല്ലാവരെയും മതപരിവർത്തനം നടത്താൻ തങ്ങളുടെ മതഗ്രന്ഥമായ ബൈബിൾ തങ്ങളോടാവശ്യപ്പെടുന്നുവെന്നും അതിന് വേണ്ടി രക്തസാക്ഷികളാകാൻ തയ്യാറാണെന്നും വരെ ചിലർ പ്രഖ്യാപിക്കുന്നു.
അന്ന് ഇസ്രയേൽ ഗോത്രത്തിലെ എല്ലാ ജാതികളിലും തൻ്റെ സന്ദേശം പ്രചരിപ്പിക്കണമെന്ന ജീസസിൻ്റെ വചനം ദുർവ്യാഖ്യാനം ചെയ്താണ് ചിലർ ഇങ്ങനെ പ്രസ്താവിക്കുന്നത്.
മതപരിവർത്തനത്തെ പറ്റി ബൈബിൾ എന്തു പറയുന്നു?!
മതം മാറുന്നതിനെ വളരെ ഗുരുതരമായ ഒരു കുറ്റകൃത്യമായിട്ടാണ് ബൈബിൾ കണക്കാക്കുന്നത്. മതപരിവർത്തനത്തെക്കുറിച്ച് ക്രിസ്തുമതത്തിന്റെ അടിസ്ഥാനഗ്രന്ഥത്തിന്റെ നിലപാട് എന്താണ്?
“നിന്റെ കണ്ണുകളിൽ അയാളോട് കാരുണ്യം ഉണ്ടാകരുത്. അയാളെ നീ വെറുതെ വിടരുത്. ഒളിച്ചു വയ്ക്കുകയുമരുത്. അയാളെ നീ കൊല്ലണം. അയാളെ വധിക്കാൻ നീ ആദ്യം കരം ഉയർത്തണം. പിന്നീട് ജനങ്ങൾ എല്ലാവരും കരം ഉയർത്തണം. നീ അയാളെ കല്ലെറിഞ്ഞു കൊല്ലണം.”
നോക്കൂ ‘നമുക്ക് മതത്തെയോ യഹോവയേയോ ഉപേക്ഷിക്കാം, വേറൊരു മതത്തിൽ ചേരാം’ എന്ന് പോലും ഇവിടെ പറഞ്ഞിട്ടില്ല.
നിങ്ങളുടെ പ്രിയപ്പെട്ടവരിലൊരാൾ മറ്റേതെങ്കിലും ഒരു ദൈവത്തെക്കൂടി ആരാധിക്കാം എന്ന ആശയം രഹസ്യമായി പറഞ്ഞാൽ പോലും അയാളെ നാട്ടുകാരുടെ മുമ്പിൽ ഹാജരാക്കി കുറ്റാരോപണം നടത്തി കല്ലെറിഞ്ഞു കൊല്ലണമെന്നും ആദ്യത്തെ കല്ല് നിങ്ങളുടെ കയ്യിൽ നിന്ന് തന്നെ പതിക്കണമെന്നുമാണ് ബൈബിളിലെ വ്യക്തമായ അനുശാസനം!
ഇവിടെ ചോദ്യം വളരെ ലളിതമാണ്. സഭാ നേതാക്കൾ ചൂണ്ടിക്കാട്ടുന്ന ‘ഉന്നതമൂല്യങ്ങളെ’ മുൻനിർത്തി ബൈബിളിന്റെ ഈ ആഹ്വാനത്തെ തള്ളിപ്പറയാനോ പുനർവ്യാഖ്യാനിക്കാനോ സഭാനേതാക്കൾ തയ്യാറാകുമോ?!
പ്രാകൃതവും നിഷ്ഠൂരവുമായ ഈ ശിക്ഷ എന്തിനെന്ന് കൂടി തുടർന്ന് അതേ പുസ്തകത്തിൽ വിവരിക്കുന്നുണ്ട്.
“ഇസ്രായേൽകാരെല്ലാം ഇത് കേട്ട് ഭയപ്പെടണം. ഇനി ഒരിക്കലും നിങ്ങളുടെ ഇടയിൽ ഇത്തരം ദുഷ്ടത ആരും ചെയ്യരുത്.” (ആവർത്തനപുസ്തകം 13:11,12)
ഇത്തരം ശിക്ഷാവിധികൾ നടപ്പാക്കി ജനങ്ങളുടെ മനസ്സിൽ ഭയാശങ്കകൾ സൃഷ്ടിച്ചാൽ മതപരിവർത്തനം തടയാമെന്നാണല്ലോ പല അതിക്രമകാരികളും കരുതുന്നത്. ബൈബിളിൽ യഹോവ പറയുന്ന കാര്യങ്ങളെ അക്ഷരം പ്രതി നടപ്പിലാക്കുന്ന അവരെ ക്രിസ്ത്യൻ പുരോഹിതർക്ക് എങ്ങനെ കുറ്റപ്പെടുത്താനാകും?!
3. പ്രവാചകരെ വധിക്കുക
അന്യമതത്തിലേക്ക് മാറാൻ പറയുന്ന പ്രവാചകരേയും സ്വപ്നദർശികളേയും വധിക്കുവാനും പഴയനിയമം ആഹ്വാനം ചെയ്യുന്നുണ്ട്. (ആവർത്തനം 13:1-5)
ഈ ‘തിരുവെഴുത്തുകൾ’ ചെവിക്കൊണ്ടവരാണ് യേശുക്രിസ്തുവിന് ക്രൂശുമരണം വിധിച്ചത്. കൊള്ളക്കാരനായ ബറാബസിനെ വിട്ടയച്ചാലും യേശുക്രിസ്തുവിന് മാപ്പ് കൊടുക്കരുതെന്ന് വാദിച്ചത്. ഈ വാക്യങ്ങളെയെല്ലാം ക്രിസ്തുവിന്റെ അനുയായികൾ ഇപ്പോഴും അനുകൂലിക്കുന്നുണ്ടോ?
4. അന്യമതസ്ഥരെ കല്ലെറിഞ്ഞുകൊല്ലുക
അന്യദേവന്മാരെ ആരാധിക്കുന്നവരെ കല്ലെറിഞ്ഞു കൊല്ലാനാണ് ആവർത്തനപുസ്തകത്തിൽ പറയുന്നത് (17:2-7)
തങ്ങളുടെ കൂട്ടത്തിൽനിന്ന് മതം മാറിയവരോട് മാത്രമല്ല അന്യദേവന്മാരെ ഉപാസിക്കുന്നവരോട് പോലും ബൈബിളിലെ ദൈവം ക്ഷമിക്കുന്നില്ല!
5. അന്യമതസ്ഥരുടെ ആരാധനാലയങ്ങളും വിഗ്രഹങ്ങളും നശിപ്പിക്കുക!
“നിങ്ങൾ പുറന്തള്ളാൻ പോകുന്ന ജനതകൾ അവരുടെ ദേവന്മാരെ സേവിച്ചിരുന്ന എല്ലാ സ്ഥലങ്ങളും ഉന്നതപർവ്വതങ്ങളും മലകളും എല്ലാ പച്ചമരങ്ങളും തീർച്ചയായും നശിപ്പിക്കണം. അവരുടെ ബലിപീഠങ്ങൾ നിങ്ങൾ തകർക്കണം. സ്തംഭങ്ങൾ ഇടിച്ചുനിരത്തണം. അവരുടെ അശേരപ്രതിഷ്ഠ തീയിൽ ചുട്ടുകളയണം. അവരുടെ ദേവന്മാരുടെ കൊത്ത് രൂപങ്ങൾ വെട്ടിവീഴ്ത്തണം. അവരുടെ പേരുകൾ ആ സ്ഥലത്തുനിന്നും നിർമാർജ്ജനം ചെയ്യുക.”
മതസഹിഷ്ണുതയ്ക്ക് വേണ്ടി ആഹ്വാനം ചെയ്യുന്ന മാർപ്പാപ്പ ബൈബിളിലെ ആവർത്തനപുസ്തകത്തിലെ 12-ാം അധ്യായം 1-4 വരെയുള്ള ഈ വാക്യങ്ങൾ വായിച്ചിരിക്കില്ലെന്ന് കരുതുന്നില്ല. ഇത്തരം അന്യമതവിദ്വേഷാഹ്വാനങ്ങൾ അക്ഷരാർത്ഥത്തിൽ നടപ്പാക്കിയ ഇരുണ്ടകാലഘട്ടത്തിലെ ചരിത്രവും അദ്ദേഹം മറക്കാനിടയില്ല.
6. അന്യമതസ്ഥർക്കും ഇതരവംശങ്ങൾക്കും ജീവിക്കാനർഹതയില്ലെന്ന് ബൈബിൾ
അന്യമതവിഭാഗങ്ങൾക്കോ വംശങ്ങൾക്കോ ജീവിക്കാൻതന്നെ അർഹതയില്ലെന്നാണ് ‘ലോകസൃഷ്ടാവായ ബൈബിൾ ദൈവം’ അരുളിച്ചെയ്യുന്നത്.
“നിന്റെ ദൈവമായ കർത്താവ് അതിനെ നിന്റെ കൈയിൽ ഏല്പിക്കുമ്പോൾ നീ അതിലെ എല്ലാ പുരുഷന്മാരേയും വാളിന്ന് ഇരയാക്കണം. എന്നാൽ സ്ത്രീകളേയും കുട്ടികളേയും കന്നുകാലികളേയും നഗരത്തിൽ ഉള്ള മറ്റ് എല്ലാറ്റിനേയും അതിലെ സമ്പത്തെല്ലാം ‘കൊള്ളമുതലായി’ നീ സ്വന്തമാക്കിക്കൊള്ളുക. നിന്റെ ദൈവമായ കർത്താവ് നിനക്ക് നൽകിയിരിക്കുന്ന ശത്രുക്കളുടെ കൊള്ളമുതലെല്ലാം നിനക്ക് അനുഭവിക്കാം. ഇവിടെയുള്ള ജനതകളുടേതല്ലാത്തതും വിദൂരത്തിലുള്ളതുമായ എല്ലാ ജനതകളോടും ഇങ്ങനെ തന്നെ നീ പ്രവർത്തിക്കണം. നിന്റെ ദൈവമായ കർത്താവ് നിനക്ക് അവകാശമായിത്തരുന്ന ഈ ജനതകളുടെ നഗരങ്ങളിൽ ജീവനുള്ള ഒന്നും നീ ശേഷിപ്പിക്കരുത്.” (ആവർത്തനം 20: 13-16)
ഇത്രയും നിഷ്ഠൂരമായ ആക്രമണങ്ങൾക്കാണ് യഹോവ ആഹ്വാനം ചെയ്യുന്നത്. മറ്റ് ജനവിഭാഗങ്ങളോടും വംശങ്ങളോടും ഉള്ള ബൈബിളിന്റെ ശത്രുത ശ്രദ്ധിക്കുക!.
മതപരിവർത്തനം ചെയ്യിക്കുന്നവരെയും മതം മാറിയവരേയും മാത്രമല്ല തങ്ങളെ സ്വാധീനിക്കാനിടയുള്ള ജനവിഭാഗങ്ങളെപ്പോലും കൂട്ടക്കൊല നടത്താനാണ് ബൈബിൾ ആഹ്വാനം ചെയ്യുന്നത്!
ആവർത്തനം 7:1-4 ലും സംഖ്യ 21:35 ലും ഇതിനോട് സാമ്യമുള്ള ഉപദേശങ്ങൾ കാണാം. അവിടെ മറ്റുള്ളവരുടെ ആരാധനാലയങ്ങളോട് എന്തുചെയ്യണമെന്ന് വ്യക്തമായ ഭാഷയിൽ ആഹ്വാനം ചെയ്യുന്നുമുണ്ട്.
“നിങ്ങൾ അവരോട് പെരുമാറേണ്ടത് ഇങ്ങനെയാണ്. നിങ്ങൾ അവരുടെ ബലിപീഠങ്ങൾ ഉടയ്ക്കണം. സ്തംഭങ്ങൾ തകർക്കണം. അശേറപ്രതിഷ്ഠകൾ വെട്ടിവീഴ്ത്തണം. കൊത്തുരൂപങ്ങൾ ചുട്ടുകളയണം” (ആവർത്തനം 7: 5)
മനുസ്മൃതി, വിചാരധാര – എന്നിവയ്ക്കെതിരെ വിരൽ ചൂണ്ടുന്നവർ തങ്ങളുടെ നേർക്ക് വിരൽ ചൂണ്ടുന്ന ഇത്തരം വചനങ്ങൾ കാണുന്നില്ലേ?!
കുറച്ചുകാലങ്ങളായി അനിൽ കൊടിത്തോട്ടം, അനിൽകുമാർ അയ്യപ്പൻ, Father Cyriac Thundiyil, ഫാദർ ജോൺസൺ തെക്കെടയിൽ തുടങ്ങിയവർ നടത്തുന്ന സനാതനധർമ്മവിമർശനം സഹിക്കാവുന്ന പരിധി കടന്നിരിക്കുന്നു.