സനാതനധർമ്മം – 2

(സനാതനധർമത്തെപ്പറ്റിയുള്ള ചോദ്യത്തിന് ആർഷവിദ്യാസമാജത്തെ കുറ്റം പറഞ്ഞ് അക്ബർ രക്ഷപ്പെടാൻ ശ്രമിക്കുന്നു! എന്നാൽ ചോദ്യം ചോദിച്ച വ്യക്തി സനാതനധർമ്മത്തെക്കുറിച്ച് സംശയം ആവർത്തിച്ചപ്പോൾ അക്ബർ പറയുന്നു.)

 

എം.എം.അക്ബർ: “സനാതനധർമ്മം എന്നു പറഞ്ഞാൽ അത് ഹൈന്ദവധർമ്മം എന്ന രൂപത്തിലാണ് അവർ പറയുന്നത്. —– ആ ധർമം വേറൊന്നുമല്ല അത് ” വർണാശ്രമവ്യവസ്ഥ “യാണ്. യഥാർത്ഥത്തിൽ ഇന്ത്യയിൽ “വർണാശ്രമ വ്യവസ്ഥ “യെ അംഗീകരിക്കുന്ന ദർശനം മാത്രമേ നിലനിന്നിട്ടുള്ളൂ. അതല്ലാത്തവരെ മുഴുവനും തകർക്കുകയാണ് ഇന്ത്യയിലെ പൗരോഹിത്യം മുഴുവൻ ചെയ്തിട്ടുള്ളത്. ഇതിന്റെയെല്ലാം കാരണം “വർണാശ്രമവ്യവസ്ഥ “യെ ചോദ്യം ചെയ്തു എന്നുള്ളതാണ്. ബ്രാഹ്മണൻ ക്ഷത്രിയനും വൈശ്യനും ശൂദ്രനും ചണ്ഡാളനുമായി മനുഷ്യനെ വിഭജിക്കുന്ന “വർണാശ്രമ വ്യവസ്ഥ “യെ ചോദ്യം ചെയ്ത ആളുകൾ ഭാരതീയ ദർശനത്തിന് അകത്തിരുന്നുകൊണ്ട് ചോദ്യം ചെയ്തയാളുകൾ അവരെ നിഷ്ക്കാസനം ചെയ്യുകയും തകർക്കുകയും മാത്രമേ ചെയ്തിട്ടുള്ളൂ. അതേസമയം ദ്വൈതന്മാർക്കും അദ്വൈതന്മാർക്കും ഭാരതത്തിൽ സ്ഥാനം ഉണ്ടായിട്ടുണ്ട്. സാംഖ്യൻമാർക്കും വൈശേഷികന്മാർക്കും ഭാരതത്തിൽ സ്ഥാനം ഉണ്ടായിട്ടുണ്ട്. അവരെല്ലാവരും അടിസ്ഥാനപരമായി “വർണ്ണാശ്രമ വ്യവസ്ഥ “യെ അംഗീകരിച്ചിരുന്നു. “വർണാശ്രമ വ്യവസ്ഥ “യാണ് യഥാർത്ഥത്തിൽ ഇവർ പറയുന്ന ധർമ്മം അല്ലെങ്കിൽ സനാതന ധർമ്മം. അതല്ലാത്തതായി ഒന്നുമില്ല. അതല്ലാത്തതായി എന്ത് ധർമ്മമാണ് പറയുന്നത്.? ഇവർ പറയുന്ന സനാതന ധർമ്മം ഭാരതീയ ചരിത്രത്തിൽ ഉണ്ടായിട്ടില്ല. അവർ ഉദ്ദേശിക്കുന്നത് “വർണ്ണാശ്രമ വ്യവസ്ഥ ” തന്നെയാണ്. അവർ ആഗ്രഹിക്കുന്നത് “വർണ്ണാശ്രമ വ്യവസ്ഥ “യിൽ അധിഷ്ഠിതമായ ഒരു സാമൂഹ്യക്രമമാണ്. അത് മറ്റൊന്നുമല്ല ചണ്ഡാളന്മാരെയും ശൂദ്രന്മാരെയും അടിച്ചമർത്തി ബ്രാഹ്മണന്മാർക്കും വൈശ്യന്മാർക്കും ക്ഷത്രിയന്മാർക്കും നാടിനെ ഭരിക്കാൻ നൽകുകയും നാടിനെ ചൂഷണം ചെയ്യാൻ നൽകുകയും ചെയ്യുക എന്ന ഏർപ്പാടിന്റെ പുതിയ രൂപഭാവങ്ങളാണ് ഇതെന്ന് നമ്മൾ അറിയണം”

( നോക്കുക സനാതനധർമ്മത്തെ വിശദീകരിക്കുമ്പോൾ കുറഞ്ഞ സമയത്തിനുള്ളിൽ 8 പ്രാവശ്യമാണ് “വർണാശ്രമവ്യവസ്ഥ ” കടന്നു വരുന്നത്!)